Plantun de Prouvènço

Pèr coumpara dos planto d'encò nostre

Cyperus difformis & Malva sylvestris

Cyperus difformis

Cyperaceae

Nom en français : Souchet difforme.

Descripcioun :
Lou triangle-diforme s'atrovo majamen dins li risiero ounte pòu èstre envahissènt. Es uno planto de l'an que douno d'èr à Cyperus fuscus mai qu'èi pu grando emé d'escaumo pu pichoto (< 0,9 mm) e pu verdo. Apoundèn que lis estamino soun mistoulino (< 0,15 mm).

Usanço :
Aquéu triangle vengu emé li grano, pòu entrina dins li risiero uno perdo de prouducioun de 12 à 50 %. Franc d'acò, couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 20 à 60 cm
Fueio : costo paralèlo
Tipe bioulougico : Teroufite
Cicle bioulougico : Planto de l'an

Gènre : Cyperus
Famiho : Cyperaceae

Ordre : Poales

Coulour de la flour : Verdo
Petalo : ges
Ø (o loungour) enflourejado : 3 à 5 cm
Flourido : printèms - Estiéu

Sòu : Ca
Autour basso e auto : 0 à 50 m
Aparado : Noun
Jun à setèmbre

Liò : Risiero - Palun
Estànci : Mesoumediterran
Couroulougi : Óurigino paleoutemperado e Subrecousmoupoulito
Ref. sc. : Cyperus difformis L., 1756

Mauvo

Malva sylvestris

Malvaceae

Àutri noum : Maulo, Mavo, Maugo, Mauvo-vèrdo.

Noms en français : Grande mauve, Mauve des bois.

Descripcioun :
Proun grando planto di bèlli flour viouleto venado que s'atrobo eisa pèr camin, dins lis terro faturado e lis escoumbre. Lou fru a mino d'un froumajoun.

Usanço :
Li flour e li fueio de mauvo en tisano soun proun vertuouso contro li mau de garganto, la brounchito, lou toussi, la rauquiero, lou mau de dènt, li bresego (mau-blanc) e li panàri (en coumpresso).